O PSOE da provincia de Lugo continúa a perfilar as súas candidaturas para as eleccións municipais do mes de maio. As agrupacións locais están a pechar as listas coas que concorrerán co obxectivo de liderar os Concellos cun goberno próximo á cidadanía e respondendo as necesidades dos veciños e veciñas dos municipios.
A agrupación socialista de Castroverde propuxo ao actual Alcalde, José María Arias, para encabezar unha vez máis a lista para renovar a alcaldía. O alcaldable, que leva á fronte do Consistorio dende 1.997, opta así á re-eleción para que este municipio continúe baixo a dirección do PSOE. O obxectivo de Arias é o de seguir traballando para garantir a creación de emprego no municipio e a dotar aos veciños de servizos básicos, que foron “roubados” polos Gobernos do Partido Popular da Xunta de Galicia e do Goberno Central. O Alcalde de Castroverde volve a encabezar así unha lista que non inclúe grandes cambios nos principais postos, pero si que cumprirá o principio da paridade.
O actual voceiro do PSOE de Ourol, José Luis Pajón, será o cabeza de lista para as próximas eleccións. Segundo anunciou o propio candidato, cunha lista renovada, o seu obxectivo é acadar a alcaldía e ter unha oportunidade para demostrar que hai outro xeito de facer as cousas. O candidato de Ourol conta cunha ampla experiencia na política municipal acadada ao longo dos anos como concelleiro do PSOE no municipio.
Unha muller será a encargada de asumir a renovación do Partido Socialista en Folgoso do Courel. Natural do municipio, Carmen Álvarez foi elixida por unanimidade como candidata á alcaldía pola agrupación local. A alcaldable asumiu o seu compromiso “de impulsar dende o primeiro día accións para devolver aos veciños a dignidade que perderon co PP”.
Carmen Álvarez márcase como máxima a vontade “de sumar e de traballar dende o respecto e a responsabilidade, e coa esperanza e a ilusión de sumar nun proxecto común os intereses da cidadanía, un proxecto aberto e transparente”.
E en O Páramo, será o actual voceiro socialista o que concorra como candidato a la alcaldía, Pablo Armesto. Afronta o proceso electoral con moita ilusión e co obxectivo de rematar coa situación de desgoberno que padece na actualidade o Concello de O Páramo.
-8.jpg)
-2.jpg)
-3.jpg)
